التبرير

التبرير

ف يوم كنت جالس مع صديقي وقاعدين قعده رومانسيه على النيل وبنحكي ف السياسه والكهربا والميه ,
وكان وقتها الدنيا ضلمه ومش لاقيين كوبايه ميه نشربها ,
و قال لي ان في يوم وجد احد صفحات الاخوان ع الفيس كاتبه ( بالنسبه لمشكله الكهرباء لماذا لا ننظر الى الجزء الايجابي ف الموضوع .....
  ان عندما تنقطع الكهرباء ذلك يفكرنا بظلمه القبر)
بغض النظر عن كميه الكلام الابيح اللي خطر ع بالي وقتها بس الحمد لله قعدت ساكت ومسكت نفسي ,
وعارف ان نفس الكلام الابيح اللي خطر ع بالي وقتها جيه على بالكم دلوقتي , بس خليكم حلوين ومؤدبين وامسكو نفسكم.
بس تعالو نبص للموضوع بطريقه تاني , يعني لو بنفس المنهج ده الرئيس السابق حسني مبارك ده يبقى سادس الخلفاء الراشدين 
لان من نفس المبدأ ده
هو كان معيشنا ف ققر عشان يعلمنا الزهد ف الدنيا ونسيبها ونروح للاخره ,
كان جايبلنا الامراض عشان يعرفنا قيمه نعمه الصحه ونشكر ربنا ,
كان كابتنا وكابت حريتنا عشان يعلمنا قيمه نعمه الحريه ,
وع نفس المنهج كده كتير ,
بس المهم ف الموضوع اننا وصلنا للدرجه دي من التبرير ,
مفيش  رأي محايد لاننا ببساطه بنحكم بعواطفنا
وع راي المرحوم جلال عامر
(الشعب المصري هو اول من حط المخ ف سندوتشات )